Jak

7 Alor mon bann frèr, atand èk pasians, juska la prézans lo Sénièr. Rogard ! Lo plantèr i atand ké la tèr i done son bon produi, li atand sa èk pasians juskatank lo promié é lo dèrnié pli i ariv. 8 Azot osi atand èk pasians ; rand pli for zot kèr, parské la prézans lo Sénièr i ariv biento. 11 Agard ! Nou di ké sak la anduré lé éré. Zot la antand parlé su landurans Job é zot la vu sak Jéova la fé pou li o final, é zot la vu ké Jéova lé ranpli èk in dou lafèksion é li fé mont la pitié. 14 In moun an parmi zot lé malad ? Fo li apèl bann zansien lasanblé pou vni oir ali, é banna va pri pou li é va vèrs doluil su li o non Jéova. 15 É la priyèr fé èk la foi, va rodone la fors lo malad, é Jéova va rolèv ali. An plis, si li la komèt bann péché, li sra pardoné. 16 Donk, rouv zot kèr kan zot i konfès zot bann péché sanm inn é lot, é pri pou inn é lot, komsa zot sra géri. Kan in moun jus i ansupli, sa néna in bonpé la fors. 17 Éli lété in bonom ke lavé bann santiman parèy lé not, é pourtan, kan li la priyé èk tout son keur pou ke la plui i tonm pa, la plui la pa tonbé su le péi pandan troi zané é sis moi. 19 Mon bann frèr, si in moun an parmi zot i sava loin la vérité é k’in not moun i ramèn ali, 20 oubli pa ké sak i ramèn in péchèr ké la pèrd chemin, va anpèch moun-la mor é va fé ké tout bann péché sra pardoné.