Kolosien

5 Sé pousa fé mor bann parti zot kor ké néna in rapor èk bann péché sèksuèl, bann zafèr sal, bann zanvi sèksuèl lé pa kontrolé, bann zanvi lé mové é lanvi gingn toujour plis, ké lé kom ladorasion zidol. 6 Sé akoz bann zafèr la ke la kolèr Bondieu i vien. 8 Mé astèr, i fo osi ké zot i tir anndan zot tout bann zafèr-la : la kolèr, la raj, la méchansté, bann jurman èk bann kozman insolan ké i pé sort dan zot bouch. 9 Ramas pa manteur ansanm inn é lot. Anlèv le vieu tanpéraman avèk son bann fason aji, 10 é abiy azot avèk le nouvo tanpéraman, ki, par la konésans égzak, lé ranplasé dapré la resanblans sak la kré sa, 12 Sé pousa, kom domoun ké Bondié la choizi, ké lé sin é émé, abiy azot avèk in gran santiman lafèksion èk la pitié, é osi avèk la bonté, lumilité, la dousèr é la pasians. 13 Kontinié suport azot inn é lot é pardone azot inn é lot èk gran kèr, mèm si in moun na in rézon pou souplingn ali kont in not. Parèy kom Jéova la pardone azot èk gran kèr, zot i doi pardone azot èk gran kèr. 14 Mé an plus tout bann zafèr la, abiy azot avèk lamour, parske sa lé in lien ki rasanm é ke lé parfé. 15 Ke la pé le Kris i dirij zot keur, parske sé gras la pé la ke zot la été choizi pou form in seul kor. É mont azot rekonésan. 16 Ké la parol lo Kris i rès an zot in bonpé, i done azot tout son sajès. Arèt pa ankouraj azot inn é lot é fé lamontraj par bann psom, loué Bondié, bann chan spirituèl i chant èk rokonésans, é arèt pa chanté dan zot kèr pou Jéova. 18 Azot fanm, soumèt azot zot mari, kom bann disip lo Ségnèr i dévré fé. 19 Azot mari, kontinié èm zot madam é trèt pa zot durman. 20 Marmay, obéi zot bann paran dan tout zafèr, parské sa i fé plézir lo Ségnèr. 21 Papa, énèrv pa zot zanfan, pou ke banna i dékouraj pa. 23 Tout sak zot i fé, travay èk tout zot lam, kom pou Jéova é non pou bann zom, 24 Parské zot i koné ké sé Jéova k’i done azot léritaj kom rékonpans. Travay kom bann zèsklav pou lo Mèt, Kris.