Mark

23 Ke sak néna bann zorèy pou ékouté i ékout. 24 Li la di ankor : « Fé atansion sak zot i antan. Sé èk la mezur ke zot i ansèrv pou mezuré ke va mezur pou zot é va donn azot mèm ankor plus. 26 Li la di osi: « Lo Roiyom Bondié, lé kom kan in bonom i jèt bann grin sémans su la tèr. 27 La nuit, li dor. Lo matin, li lèv. É li koné pa koman lo bann grin-la i pous é grandi . 28 La tèr fé son travay par li mèm : dabor la tij, aprésa lo zépi é an dèrnié bann grin ké la fine bien formé dan lo zépi. 35 Jour-la, kan la nuit té fini tonbé, li la di azot : « Alon lot koté la mèr. » 36 Apré ké bann disip té fine di la foul alé, banna la fé mont ali dann in kanot, kom li lété ; é navé dot kanot ké lé vnu èk zot. 37 Alor in gro koudvan la lèvé. Kanot-la té ranpli dolo parské bann lam la mèr té pou kas dési lo kanot. 38 Mé Jézu té dérièr é li té pou dormi su in zorié. Alor banna la révèy ali é zot la di ali komsa : « Lamontrèr, ou oi pa nou pé mor ? » 39 Alor li la lèvé, li la koz sérié èk lo van é li la di la mèr-la : « Silans ! Rès trankil ! » Lo van la kalmé é tout la vnu trankil. 40 Aprésa li la di azot : « Akoz zot navé pèr ? Zot na toujour poin la foi ? » 41 Mé, kapkap té dési zot, zot té antrinn di azot ant zot : « Kisa i lé bonom-la ? Mèm lo van èk la mèr i obéi ali ! »