Matié

18 Ariv in lèr, bann disip la kos koté Jézu é la domand ali : « Kisa i lé lo pli gran dan lo roiyom dann sièl ? » 2 Alor li la apèl in ti marmay, é la mèt ali dann milié an parmi banna : 3 é li la di : « Pou d’vré mi di azot, si zot i chanj pa é zot i dovien pa kom bann ti marmay, zot va pa rant dan lo roiyom dann sièl. 6 Mé si in moun i fé tonb inn an parmi so bann ti moun-la ké néna la foi an moin, i sré mié pou li k’i trap in mèl moulin k’in bourik i fé tourné pou attach dan son kou, é k’i fé koule ali dan la mèr. 10 Tansion pangar pa rabès bann ti moun-la, parské mi di azot ké zot bann zanj dann sièl i pé toujour alé dovan mon Papa dann sièl. 15 « Si out frèr la fé in péché, alé koz ansanm li dési son fot, ant zot dé tousèl. Si li ékout aou, ou la sov out frèr. 23 « Ala poukosa lo roiyom dann sièl i pé èt parèy in roi té i vé son bann sèrvitèr i pèy zot dèt. 24 Kan li la komans fé sa, la amèn dovan li in bonom ké té doi ali 10 000 talan. 28 Mé lo sèrvitèr la, la parti oir in not sèrvitèr ké té doi ali 100 dénié. Li la trap lo sèrvitèr, la komans trang ali é la di èk li : ”‏Rand amoin sak ou doi amoin.”‏ 31 Kan lé zot sèrvitèr la vu sak lavé èspasé, zot kèr la fé mal in bonpé é zot la parti rakont tout zot mèt. 33 Èské out tour, ou té gingn pa pran pitié out kamarad, kom moin mi la pran pitié pou ou ?” 35 Sé komsa mèm mon Papa dann sièl va fé avèk chakèn d’zot si zot i pardone pa zot frèr èk tout zot kèr. »