Izai

9 Mé sèlman, fénoir-la sra pa kom avan, kan lo péi té dan la détrès, kan lo péi Zaboulon èk lo péi Naftali té maltrèté. Mé li va fé an sort ké plitar Galilé bann nasion, sétadir lo chemin ké lé akoté la mèr dan landroi ousa lo jourdin lété, i gingn lonèr. 2 Lo pèp ké té march dann fénoir la vu in gran lumièr. É sak té abit lo péi ousa néna gro fénoir, la lumièr la briy dési zot. 6 Parské in zanfan lé né pou nou, la done anou in garson ; é lo gouvèrnman va ropoz dési son zépol. Va apèl ali Konsèyé romarkab, Bondié for, Papa pou toultan, Prins la pé. 7 Son dominasion k’i kontinié grandi é la pé, va jamé fini su lo trone David é dan son roiyom. Li sra bien instalé é lo droi èk la justis va soutien ali, jordi mèm é pou toultan. Ala sak Jéova, lo chèf bann zarmé, la vréman anvi d’fé.