1 Korintien

12 Si dot néna lo droi ké zot i soutien banna komsa, èské anou osi nou na poin lo droi ? Mé voila sèlman nou la pa utiliz ali, mé nou suport tout èk pasians, komsa nou anbar pa lo gayar nouvèl dési lo Kris. 16 Mé, prèch lo gayar nouvèl, lé pa in rézon pou moin fé lo fièr, parské mi lé oblijé fé sa. Oui, malèr pou moin si mi prèch pa lo gayar nouvèl ! 19 Mèm si dovan lo zié domoun moin lé in bonom lib, moin la ni in zèsklav par moin mèm pou tout domoun, pou gingn lo plis domoun posib. 20 Pou bann Juif, moin lé dévni kom in juif, pou gingn bann Juif ; pou sak i suiv la Loi, moin lé dévni kom in moun i suiv Loi-la — alor ké moin mèm mi suiv pa la Loi —, pou gingn sak i suiv la Loi. 21 Pou sak lé san loi, moin lé dévni kom si moin té san loi — alor ké mi suiv la Loi Bondié, mé mi lé sou la Loi lo Kris —, pou gingn sak lé san loi. 22 Pou bann fèb, moin la ni fèb, pou gingn bann fèb. Moin lé dévni tout pou tout kalité domoun, pou gingn sov détroi èk tout moiyen posib. 23 Mi fé tout pou lo gayar nouvèl, pou fé konèt ali avèk lé zot moun. 25 Tout sak i fé in konpétision i kontrol azot su tout. Lé sur, zot i fé sa pou gingn in kouronn k’in jour va fané, mé nou, nou fé sa pou in kouronn ke va dur pou toultan. 26 Sé pousa mi kour, mé mi koné ousa mi sava ; mi done kou d’poin mé pa dann vid ; 27 É mi done mon kor lo kou é mi trèt ali kom in lèsklav, parské moin la pèr k’apré ma la fine prèch èk lé zot, mi rotrouv amoin kom in moun, k’i d’in fason ou in ot, lé pa aprouvé.