Luk

19 Aprésa li la rant dann Jériko é li la travèrs la vil. 2 Tèr-la lavé in bonom ké té apèl Zaché. Li té lo chèf bann moun té travay zinpo, é li lété rich. 3 Li té ésèy oir kisa lété Jézu, mé kom li té pti li té oi pa rien akoz la foul domoun. 4 Donk li la kour dovan é li la mont dési in pié Sikomor pou oi Jézu parské li té sa pas dann chemin-la. 5 Kan Jézu la ariv landroi-la, li la lèv son zié é la di ali : « Zaché, sort anlèr-la dépèch aou désand, parské jordi mi doi pas out kaz. » 6 Alor Zaché la dépèch ali pou désand é li té kontan akèy Jézu. 7 Kan domoun la vu sa, zot la komans kritiké : « Li la fé invit ali la kaz in bonom ké lé péchèr. »