Matié
7 Dann chemin, alé prèché pou di : ” Lo Roiyom dann sièl la fine arivé. ” 8 Zot la gingn gratuitman, donn gratuitman. 11 « Kan zot i ariv dann in vil ou dann in vilaj, rod in moun k’i mérit ékout zot mésaj é rès son kaz juska tank zot i sava. 12 Kan zot i rant dan in kaz, souèt ke tout i éspas bien pou sak i abit la. 16 « Agard ! Ma la anvoy azot kom bann mouton an parmi bann lou ; alor fé atansion azot kom bann sèrpan é mont azot inosan kom bann kolonb. 19 Sèlman, kan va fé pas azot dovan tribunal, pa bézoin inkièt azot pou sak zot sa di, é la manièr zot sa kozé, parské dann lèr-la mèm Bondié va fé konèt azot sak i fodra zot i di. 20 Sa lé vré, lé pa rienk azot i koz ; lèspri sin zot Papa i èd azot pou kozé. 22 Tout domoun va détès azot akoz mon non. Mé sak nora tienbo juska la fin sra sové. 23 Kan va maltrèt azot dann in vil, kour dann in ot. Parské vréman mi di azot, kan lo Garson lom va arivé, zot nora pa fini fé lo tour tout bann vil Israèl. 29 I vand dé moino pou in piès larjan ké na poin in ta la valèr, pa vré ? Pourtan, na poin inn an parmi banna i tonb atèr san ké zot Papa i oi. 30 Mèm azot, tout zot chevé lé konté. 31 Donk, pa bézoin zot la pèr : zot néna plis la valèr k’in bonpé moino. 32 « Si dovan tout domoun, in moun i di ké li lé mon disip, alor amoin osi, moin va di èk mon Papa ké lé dann sièl, ké moun-la lé mon disip. 34 Majine pa ké ma la vni mèt la pé su la tèr. Ma la pa vni pou mèt la pé, mé lépé. 35 Parské ma la vni mèt dézakor ant lo garson é son papa, ant la fi é son momon, é ant lo bèlfi é son bèlmèr. 36 Vréman, in bonom nora kom zènmi son prop famiy.