Akt bann zapot

12 An plis ké sa, nou pé pa èt sové par pèrsone dot, parské na poin sou lo sièl okin not non ké la été doné an parmi bann domoun par k’i nou doi èt sové. » 13 Kan zot la vu Pièr èk Jan koz fran é ké zot lavé konpri ké banna té domoun sinp sinp ké lavé pa fé gran lékol, zot té étoné. É la zot la rand azot kont ké banna lavé march ansanm Jézu. 20 Mé anou, nou pé pa arèt koz su bann zafèr ké nou la vu é ké nou la antand. » 24 Kan zot la antand sa, zot tout ansanm zot la done la voi pou pri Bondié et zot la di : « Aou lo pli gran roi, sé ou la fé lo sièl, la tèr, la mèr é tout sak néna dési, 29 É astèr, Jéova, ékout bien zot bann ménas, é fé an sort ké out bann zèsklav i kontinié anons out parol san aoir pèr dutou, 31 Jus lèr zot té fine ansupli Bondié, landroi ousa zot lété la komans tranblé, é zot tout té ranpli èk lèspri sin ; é zot té anons la parol Bondié èk kouraj.