2 Korintien

4 Donk, kom nou la gingn sèrvis-la gras la pitié li la fé mont pou nou, nou larg pa. 4 ché sak i kroi pa é ke lintélijans lé aveuglé par le bondieu se monn la, si tèlman ke la lumièr é le gran gayar nouvèl konsèrnan le Kris, ke lé la resanblans Bondieu, i pe pa pèrsé. 7 Mé, nou néna se trézor dan bann vaz an tèr, pou ke se puisans ki dépas sak lé normal i sort èk Bondieu é pa sak i vien de nou. 16 Ala poukosa nou larg pa ; olèrksa mèm si nout kor lé mafizé, lé sur sak nou lé anndan i arvien nèv jour an jour. 17 Parské mèm si bann tangaj la vi lé léjé é pou in tan, sa i done anou in gloir k’i dovien pli gran é lé pou toultan. 18 Donk alon kal nout zié, pa su bann zafèr ké nou oi, mé plito su bann zafèr ké nou oi pa, parské bann zafèr ké nou oi lé pou in tan é sak nou oi pa lé pou toultan.