Filipien

3 Fé pa rien èk lèspri batayèr ni èk lanvi mèt azot anlèr, mé, rojèt lorgèy pou konsidèr lé zot kom pli inportan k’zot, 4 é rod pa rienk zot zintéré azot, mé osi bann zintéré lé zot. 8 An plus, kan li lé vnu kom in bonom, li la rabès ali li mèm é li la nu obéisan juska la mor, oui, la mor su in poto d’soufrans. 9 Sé pousa Bondieu la mèt ali dan in pozision plu o ankor é la donn ali èk gran keur le non ke lé odsu tout lé zot non, 12 Donk, mon bann frèr bien émé, kom zot la toultan obéi, pa seulman kan mi té la, mé mintnan ankor plus èk gran keur pandan ke mi lé pa la, kontinué travay pou zot èt sové avèk krint é réspé. 13 Parské sé Bondié k’i, pou son kontantman, i ankouraj azot, i done azot an mèm tan lanvi é la fors pou aji.