Mark

17 Sé Érod ké lavé fé arèt Jan, é lavé anvoy ali an prizon é fé amar ali èk la chèn, akoz Érodiad lo fanm son frèr Filip. Parské Érod lavé marié ansanm èl 18 é Jan té di ali : « Ou na poin lo droi fé sa, parské èl lé lo madam out frèr. » 19 É akoz sa, Érodiad té an vé d’li, é té rod pou tué ali. Mé èl té gingn pa, 20 parské Érod lavé pèr Jan, li té koné ké Jan lété in moun droit ké té sèrv Bondié, é li té protèj Jan. É chak foi li té ékout Jan, li té koné pa kosa té fo fé. Mé li té kontinié pran plézir ékout Jan kozé. 30 Bann zapot la vni otour Jézu é la rakont ali tout sak zot la fé é sak zot la amontré. 31 Li la di azot : « Alon mèt anou in koté, dan in landroi rotiré, pou ké zot i ropoz azot in pé ». An vré, banna lavé poin inn ti tan pou manjé, parské bonpé domoun té vien té sava. 32 Donk banna la parti dan zot bato vèr in landroi rotiré pou èt tousèl. 33 Mé désèrtin la vu azot alé, é sa la ariv dann zorèy dot moun. Alor, in paké domoun la sort dan tout bann vil, é zot la kouri juska laba, é zot la ariv avan banna. 34 Kan zot la sort dann bato, Jézu la vu in gran foul domoun é son kèr la fé mal pou banna, parské zot lété kom bann ti brébi san bèrjé. Alor li la komans amont banna bonpé zafèr. 35 kom lété déja tar, son bann disip la avans koté li é la di ali : « Landroi-la lé rotiré é lé déjà tar 36 di banna alé pou ké zot i sa achté kèkchoz pou manjé dan la kanpagn oubien bann vilaj zalantour. 37 li la répond azot : « Azot mèm done banna manjé. » Mé zot la répond ali : « Èské nou doi achté pou 200 dénié dopin é done banna pou manjé ? » 38 li la répond : « Alé gard konbien dopin zot néna. » Apré ké zot la parti gardé, zot i di ali : « Nou néna sink, é dé poison osi. » 39 Aprésa li la domand tout domoun asiz azot su zèrb, par group. 40 Banna la asiz par 100 é 50. 41 Alor li la pran lo bann sink pin èk lo dé poison, la lèv son zié vèr lo sièl é la fé in priyèr. Aprésa li la kas lo bann pin é li la done son bann disip pou ké zot i partaj ansanm bann domoun. Li la partaj osi lo dé poison ant tout domoun. 42 Alor, zot tout la manjé vant plin. 43 La ramas bann morso dopin ké la résté : la ranpli 12 panié – san kont lo poison ké la rèsté. 44 Banna lété 5 000 zom pou manj dopin. 52 Parské kan Jézu lavé fé lo mirak èk dopin, zot la pa konpri kosa sa té vé dir. Dan zot kèr, té dur pou zot konpran.