Izai

6 Dan montagn-la, Jéova lo chèf bann zarmé va prépar pou tout bann pèp in gran kantité manjé bon kalité, in gran kantité bon kalité d’vin, bann manjé bien gra, avèk plin la moil, bann bon kalité d’vin ké la bien viéyi. 7 Su montagn la, li va fé disparèt le voil ke i kouv tout le bann peup é la kouvèrtur ke lé brodé su tout bann nasion. 8 Lo Souvrin Ségnèr Jéova va fé disparèt la mor pou toultan ; li va ésui bann larm su tout bann figur. Li va éfas su tout la tèr, la ont ké lété su son pèp, parské Jéova li mèm la di sa. 9 So jour-la, nou va di : « Agard ! Sé nout Bondié ! Nou la mèt nout lèspoir an li, é li va sov anou. Sé Jéova ! Nou la mèt nout lèspoir an li. Alon fé mont nout joi é nout kontantman, parské li sov anou. »