Kolosien

5 Sé pousa fé mor bann parti zot kor ké néna in rapor èk bann péché sèksuèl, bann zafèr sal, bann zanvi sèksuèl lé pa kontrolé, bann zanvi lé mové é lanvi gingn toujour plis, ké lé kom ladorasion zidol. 6 Sé akoz bann zafèr la ke la kolèr Bondieu i vien. 8 Mé astèr, i fo osi ké zot i tir tout so bann zafèr ké lé an zot : la kolèr, la raj, la méchansté, bann jurman èk bann kozman insolan k’i pé sort dan zot bouch. 9 Ramas pa mantèr ansanm inn é lot. Anlèv lo vié tanpéraman avèk son bann fason aji, 10 é gras lo vré konésans, kontinié abiy azot avèk lo nouvo pèrsonalité k’i rosanm Sak la kré sa, 12 Sé pousa, kom domoun ké Bondié la choizi, ké lé sin é émé, abiy azot avèk in gran santiman lafèksion èk la pitié, é osi avèk la bonté, lumilité, la dousèr é la pasians. 13 Kontinié suport azot inn é lot é pardone azot inn é lot èk gran kèr, mèm si in moun na in rézon pou souplingn ali kont in not. Parèy kom Jéova la pardone azot èk gran kèr, zot i doi pardone azot èk gran kèr. 14 Mé an plis tout bann zafèr-la, abiy azot èk lamour, parské sa lé in lien k’i rasanm é ké lé parfé. 15 Ke la pé le Kris i dirij zot keur, parske sé gras la pé la ke zot la été choizi pou form in seul kor. É mont azot rekonésan. 16 Ké la parol lo Kris i rès an zot in bonpé, i done azot tout son sajès. Arèt pa ankouraj azot inn é lot é fé lamontraj par bann psom, loué Bondié, bann chan spirituèl i chant èk rokonésans, é arèt pa chanté dan zot kèr pou Jéova. 18 Azot fanm, soumèt azot zot mari, kom bann disip lo Ségnèr i dévré fé. 19 Azot mari, kontinié èm zot madam é trèt pa zot durman. 20 Marmay, obéi zot bann paran dan tout zafèr, parské sa i fé plézir lo Ségnèr. 21 Papa, énèrv pa zot zanfan, pou ke banna i dékouraj pa. 23 Tout sak zot i fé, travay èk tout zot lam, kom pou Jéova é pa pou bann zom, 24 Parské zot i koné ké sé Jéova k’i done azot léritaj kom rékonpans. Travay kom bann zèsklav pou lo Mèt, Kris.