Ébré

4 Donk kom la promès rant dan son ropo lé toujour valab, tansion pangar i konsidèr ké inn an parmi zot i mérit pa promès-la. 11 Donk alon fé tout nout posib pou rant dann ropo-la komsa na poin pèrsone i tonb é i suiv zot légzanp désobéisans. 12 Parské la parol Bondié lé vivan é puisan ; li lé plis égizé ké ninport kèl lépé i koup dé koté é li anfons juska sépar lam èk lèspri, é bann zartikilasion èk la moil, é li lé kapab fé rosort bann pansé é bann santiman dann kèr. 14 Kom nou néna in gran prèt souvrin dann sièl, Jézu lo garson Bondié, alor nou tienbo for pou fé konèt lé zot ké nou néna la foi an li. 15 Parské nou na poin in gran prèt k’i gingn pa aoir la pitié pou nout bann féblès, mé in gran prèt ké, la pas tout kalité zéprèv kom nou, mé ali navé poin péché. 16 Alor alon kos koté lo trone la favèr ké nou mérit pa é koz san la krintiv, pou nou gingn la mizérikord èk la favèr ké nou mérit pa komsa i èd anou kan nou la bézoin.