Izai

3 Ou va protèj sak i kont dési ou èk tout zot kèr ; ou va done azot la pé pou toultan, parské sé an ou ké banna i mèt tout zot konfians. 7 Lo santié domoun jus lé plat. Aou ké lé droit, ou va galiz lo chemin domoun jus. 8 A Jéova, kan ou juj, nou suiv out santié é nout lèspoir sé ou. Rapèl anou kisa ou lé é koman ou apèl, ala sak nou la vréman anvi d’fé. 9 La nuit, néna tout an moin i rod pou trouv aou, oui , mon lèspri i arèt pa rod aou parské kan ou juj la tèr bann zabitan i aprann la justis. 12 A Jéova, ou va done anou la pé, parské tout sak nou la fé, sé ou mèm ké la réaliz sa pou nou. 15 Ou la fé grandi la nasion, a Jéova, ou la fé grandi la nasion ; ou la mèt aou an lèr. Ou la pous loin mèm tout bann frontièr lo péi. 19 « Out bann mor va roviv. Mon bann kadav va rolévé. Lèv azot é kri for èk la joi, azot ké lé dan la pousièr ! Parské out rozé lé kom la rozé gran matin, sak la mor la pran tout la fors. 20 Alé, mon pèp, rant dan out bann piès ké lé plis o fon, é fèrm bann port dèrièr ou. Kachièt aou jus inn ti linstan, juska tank la kolèr la fine pasé.