Izai

2 Dann tan la fin bann dèrnié jour, la montagn la kaz Jéova sra bien instalé anlèr la tèt bann montagn, li sra pli o bann ti piton, é in foul domoun tout nasion va vni juska li. 3 Bann peup an kantité va alé é va di : «Vien azot ! Alon mont la montagn Jéova, la kaz le Bondieu Jakob. Li va fé konèt anou son bann chemin, é nou va suiv son bann santié. » Parske la loi va sort dann Sion, la parol Jéova va sort dann Jéruzalèm. 4 Zot va transform zot bann lépé an zouti pou travay la tèr é zot lans an sèrpèt. In nasion va pa lèv lépé kont in nasion, é zot va pu aprann fé la gèr. 22 Donk, arèt in pé fé konfians bann sinp moun, zot vi lé rienk in souf i sort dann né ! Akoz fé in kont èk banna ?