Juj

28 É la Sanson la supli Jéova : « Jéova Souvrin Ségnèr, oubli pa moin siouplé, é done amoin la fors ankor in foi, a Bondié, siouplé rienk pou la ! Komsa mi tir vanjans su bann Filistin pou mon koté d’zié. » 29 Aprésa Sanson la apiy kont lé dé gro poto dann milié, lé dé zarboutan lo tanp ; li la poz son min droit su inn é son min goch su lot. 30 Sanson la kri for : « Ma mor èk bann Filistin ! » é li la pous su lo bann poto èk tout la fors li lavé, é lo tanp la déboul su bann chèf é su tout domoun tèrla. Sé komsa ké li la tué plis domoun lo jour son mor, ké kan li té vivan.