Psom
15 A Jéova, kisa i sra invité sou out tant ? Kisa va gingn abit dan out montagn ké lé sin ? 2 Sak lé san reproch dan son konportman, ki fé sak lé jus é ki di la vérité dan son keur. 3 Li koz pa an mal su lé zot èk son lang, i fé okin mal son prochin é li sali pa réputasion son bann kamarad. 4 Li rejèt tout domoun méprizab, mé li onor sak néna la krint pou Jéova. Li arvien pa su son promès, mèm kan sa i kout ali. 5 Li prèt pa son larjan avèk zintéré é i pran pa in desou d’tab kont sak lé inosan. In moun komsala va jamé tonbé.