Détéronom

4 « Ékout, o Israèl ! Jéova nout Bondieu lé in seul Jéova. 5 Ou doi èm Jéova out Bondieu avèk tout out keur, avèk tout out lam é avèk tout out fors. 6 Bann parol-la ké mi ordone aou jordi i doi èt su out kèr ; 7 i fodra ké ou amont sa toultan out bann garson é ké ou koz ladsi kan ou sra asiz dan out kaz é kan ou va march dann chemin, kan ou va alé dormi é kan ou va lévé. 10 « Kan Jéova zot Bondié sra fini fé rant azot dann péi li la promèt èk zot zansèt Abraam, Izaak é Jakob pou done azot - in péi èk bann gayar gran vil ké la pa zot la konstrui, 11 bann kaz ranpli èk tout kalité bon zafèr ké la pa zot la mèt su koté, bann sitèrn ké la pa zot la fouyé, bann pié rézin é pié zoliv ké la pa zot la planté —, é kan zot sra fine manjé é ké zot vant sra plin, 12 tansion pangar zot i oubli Jéova, ké la fé sort azot dann péi Léjip, landroi ousa zot lété bann zèsklav.