Romin
12 Frèr, donk mi supli azot, akoz la pitié Bondié, prézant zot kor kom in sakrifis ké lé vivan, sin é ké Bondié i pé aksèpté : in sèrvis sakré ké zot i of avèk zot kapasité rézoné. 2 É lès pu zot influansé par monn-la, mé transform azot é chanj zot fason pansé, komsa zot va gingn oir par zot mèm, kosa i lé la volonté Bondié : sak lé bon, sak i konvien, sak lé parfé. 3 Sé parské Bondié la done amoin son favèr ké pèrsone i mérit pa, ké mi di chakèn an parmi zot kroi pa ké zot i vo plis k’i nan fo, mé pans in fason rézonab, chakèn dapré la kantité la foi ké Bondié la done ali. 9 Ké zot lamour lé pa ipokrit. I fo sak lé mové i dégout azot, i fo zot i tienbo sak lé bon. 10 Èm azot kom in famiy é fé mont in lafèksion plin d’tandrès ant zot. Zot i dévré toujour done lonèr lé zot an promié. 11 I fo zot lé travayeur, é pa paréseu. Donn paké ankor plus avèk lèd léspri sin. I fo zot i travay kom zésklav pou Jéova. 12 Gard zot joi gras lèspérans. Tienbo ansanm dann zéprèv. Kontinié priyé ankor. 15 Fé mont zot lé kontan avèk sak lé kontan; plèr avèk sak i plèr. 16 Konsidèr lé zot parèy ou konsidèr aou mèm ; kal pa out pansé dési zafèr i rand aou orgéyé, mé lès aou gidé par bann zafèr k’i mèt pa ou anlèr. Dovien pa saj pou ou mèm. 17 Rand pa pèrsone lo mal pou lo mal. 18 Si posib, tank zot i gingn, viv an pé èk tout bann zom. 19 Azot ké mi èm, vanj pa zot par zot mèm, mé lès la kolèr Bondié aji ; parské lé ékri : « Jéova i di : “La vanjans lé pou moin ; sé moin mèm va règ zot kont”. » 21 Lès pa lo mal gingn la viktoir dési ou, mé kontinié konbat lo mal par lo bien.