2 Kronik

20 Aprésa, bann Moabit èk bann Amonit, é osi in parti bann Amonim, la vni pou batay sanm Jozafat. 2 Donk la vni anons sa Jozafat : « In foul domoun k’i ariv par koté la mèr, laba Édom, i vien pou atak aou ; lèr-la li lé laba Azazone-Tamar, sétadir Èn-Gédi. » 12 A nout Bondié, èsk’ou sa pa puni banna ? Parské nou fé pitié dovan tousa domoun k’i vien pou atak anou ; é nou koné pa kosa i fo fé, mé nout zié i gèt aou. » 15 Jaazièl i di : « Zot tout, Juda é sak i abit Jéruzalèm, é aou osi roi Jozafat, ékout bien mèm ! Ala sak Jéova i di azot : “Pa bézoin zot la pèr, é lès pa kap kap mont dési zot akoz tousa domoun-la, parské la pa zot i sa batay, mé sé Bondié. 17 Zot nora pa bezoin konbat. Plas azot tèrla, bouj pa é gard koman Jéova i sa ajir pou sov azot.