Ébré

11 Sèlman sa, kan Kris lé vnu antank gran prèt bann bénédiksion ké la fine arivé, li la rant dan inn tant pli gran é pli parfé, é la pa la min domoun la fé tant la, sétadir, pa sak i viv su la tèr. 12 Li la rant dan landroi lé sin, pa avèk lo san bann bouk ni lo san bann jèn bèf, mé avèk son prop san, in foi pou tout, é li la fé gingn anou in délivrans pou toultan. 24 Parské Kris la pa rant dan in landroi sin fé avèk la min, ké lé in kopi sak lé vré, mé li la rant dann sièl mèm, parské astèr li prézant ali dovan Bondié pou nou. 25 É lété pa pou done son vi kom sakrifis in takon d’foi, kom lo gran prèt té fé tou lé zan kan li té rant dan lo landroi sin avèk lo san ké té pa lé sièn. 26 Sinonsa, li noré soufèr in takon d’foi dopi la kréasion lo monn. Mé astèr, li la ni inn foi pou tout dan bann dèrnié jour pou fé disparèt lo péché gras son sakrifis.