1 Jan

2 Mon bann ti zanfan, mi ékri azot bann zafèr la pou ké zot i komèt pa in péché. É pourtan, si in moun i pèch, nou néna in lasistan ké lé koté nout Papa, sé Jézu Kris, in moun jus. 2 Li lé in sakrifis pou nout bann péché, pou ké nou gingn èt an pé èk Bondié, mé lé pa rienk pou nout bann péché anou, lé osi pou sak lo monn antié. 15 Èm pa lo monn ni tout sak néna dann monn-la. Si in moun i èm lo monn, li pé pa èm lo Papa ; 16 parské tout sak néna dan lo monn - lo dézir nout kor, lo dézir nout zié é kan détroi i fé lo vantar su bann bien zot néna - tousa i sort pa koté lo papa, mé i sort dan lo monn. 17 An plis ké sa, lo monn èk son bann zanvi lapou disparèt, mé sak i fé la volonté Bondié va viv pou toultan.