Matié

6 Mé néna in jour pandan lanivèrsèr nésans Érod, la fi Érodiad la dans dovan bann zinvité , é sa la fé tèlman plézir Érod 7 ké li la promèt aèl done tout sak èl va domand ali. 8 Alor su lo konsèy son momon, èl la di : « Done amoin la tèt Jan Batis su in plato. » 9 Sa la rand lo roi tris, mé akoz son bann promès li lavé fé dovan son bann zinvité, li la done lord amèn pou li la tèt Jan. 10 Li la anvoiy in moun pou alé koup la tèt Jan dann prizon. 17 Banna la répond ali : « Sé rienk sa mèm nou néna, sink pin é dé poison. » 18 Li la di : « Aport amoin tousa. » 19 Ansuit, li la di foul-la asiz su zèrb. Li la pran lo sink pin é lo bann poison, aprésa li la gard anlèr é li la fé in priyèr. Apré ké li la kas bann pin-la an morso, li la done sa son bann disip, é banna la parti done sa la foul. 20 Alor, kan zot tout té fine manjé é zot vant té bien plin, la ramas bann morso té i rès : la ranpli 12 panié. 21 Navé anviron 5000 bonom ké la manjé, san kont bann madam é bann zanfan. 23 Apré ké li té fine di la foul alé, li la mont dan la montagn son tousèl, pou priyé. Kan la nuit la tonbé, li té la, tousèl.