Izai

15 Zot nora la fors si zot i rès kalm é si zot i fé amoin konfians ». Mé zot té ve pa. 18 Mé Jéova i pran pasians pou fé mont la pitié ké li néna pou zot, é li va lèv ali pou fé mizérikord ansanm zot. Parské Jéova lé in Bondié néna la justis. Tout sak i kontinié aspèr ali va trouv kontantman. 19 Kan lo pèp va artourn viv dan Sion, dann Jéruzalèm, lé sur ou va arèt pléré. Dèk li va antand aou kri o sokour, li va répond aou, é li va fé mont aou tout son tandrès. 20 Mèm si Jéova i done azot dopin la détrès pou manjé é dolo la soufrans pou boir, zot Gran Lamontrèr va pu kachièt ali, é ou va oir out Gran Lamontrèr avèk out prop zié. 21 Si jamé ou rod pou vir a droit oubien a gauch, out zorèy va antand ti parol-la par dèrièr ou : « Ala lo chemin. Suiv ali. » 23 Alor li va fé tonm la plui pou le grin ke ou plant dan la tèr, é la tèr va donn bann bon kalité d’pin an gran kantité. Dann lépok la, out zanimo va manj su bann gran térin zèrb.