Éklézias

7 Vo mié in bon réputasion olèrk in bon kalité luil, é vo mié lo jour la mor olèrk lo jour la nésans. 2 Vodré mié alé landroi domoun lé dann dèy ké landroi ousa i fé la fèt, parské sé laba tout domoun va fini, é sak lé vivan i dévré bien réfléchi ladsi. 8 Vo mié in zafèr i fini olèrk li komans. Vo mié èt pasian olèrk aoir in mové fièrté dan nout lèspri. 9 Fach pa ou pou inn ti rien ditou, parské sé rienk domoun bèt i fé lo gro kèr. 12 Parske la sajès lé in protéksion parèy kom larjan lé in protéksion, mé ala lutilité la konésans : la sajès i protèj la vi sak i détien ali. 16 Dévien pa tro jus é mont pa ké ou néna la sajès plis k’i fo. Akoz ou la bézoin rod problèm pou ou mèm ? 17 Fo pa ou aji tro èk méchansté é fo pa ou lé stupid. Poukosa ou voudré mor avan leur ? 18 Vo mieu ou tienbo le premié lavèrtisman san larg le deuzièm ; parske sak na la krint pou Bondieu va suiv lé deu. 20 Parské na poin in moun jus su la tèr i fé toultan sak lé bien é jamé i pèch. 21 An plis, tout bann parol ké bann domoun i di, fé pa in kont ansanm sa ; sinon, ou pouré antand out sèrvitèr modi aou ; 22 parské ou koné bien ké dan out kèr, souvandéfoi, aou mèm ou la modi lé zot.