Révélasion

21 É moin la vu in nouvo sièl èk in nouvo tèr ; parské lansien sièl èk lansien tèr la disparèt, é na pu la mèr. 3 Alor ma la antand in voi for, ké té i sort dépi lo trone té i di : « Agard ! Bondié lé avèk bann domoun, é li va rès avèk zot, é zot sra son pèp. É Bondié li mèm sra avèk zot. 4 É li va ésui tout larm dan zot zié, é nora pu la mor ; nora pu okin dèy, ni okin plint, ni okin doulèr. Bann zafèr navé avan, la disparèt. » 5 É sak té asiz su lo trone la di : « Agard ! Moin lé antrinn fé tout bann zafèr nèv. » Li la di ankor : « Ékri, parské kozman la lé fidèl é vré. » 6 É li la di amoin : « Li la réalizé ! Mi lé lo A é lo Z, lo komansman é la fin. Tout sak la soif, mi va done azot pou boir dolo k’i sort la sours dolo la vi, é i sra gratuit.