Matié
3 Li té asiz su la montagn bann pié Zoliv, alor bann disip lé vnu domand ali son tousèl : « Èské ou pé di anou kansa zafèr-la i sa arivé, é kèl signal ou va done anou pou la fin monn-la ? » 4 Jézu la réponn azot : «Fé atansion ke okin moun i tronp azot, 5 parske in bonpe va vnir, va ansèrv mon non é va di : « Sé moin le Kris. » É zot va tronp in paké domoun. 6 Zot va antand bann gèr la pété é bann nouvèl la gèr. Surtou, pa bézoin aoir pèr, parské i fo ké tousa i ariv, mé sra pa ankor la fin. 7 « Parské nasion va drès kont nasion é roiyom kont roiyom, é nora bann famine é bann tranbléman d’tèr dan in landroi apré lot. 8 Tout bann zafèr-la i sra lo komansman bann gran doulèr. 12 É parske bann pratik kont la loi va ogmanté, lamour in bonpe d’moun va refroidi. 13 Mé sak va tienbo juska la fin i sra sové. 14 É lo gayar nouvèl Roiyom-la i sra préché dési tout la tèr, kom in témoiniaj pou tout bann nasion, é aprésa la fin va arivé. 21 Parské lèr-la, nora in gran détrès kom la jamé vu dépi lo monn la komansé, é kom nora pu jamé. 22 Mé akoz sak la été choizi, bann jour la sra rakoursi. 24 Parské nora bann fo Kris èk bann fo profèt ké va fé bann gran mirak é bann zafèr vréman inkroiyab pou ké, si posib, mèm sak Bondié la choizi i pèrd chemin. 36 Jour la é lèr la, pèrsone i koné pa, ni bann zanj dann sièl ni lo Fis, mé sèlman lo Papa. 37 Pandan la prézans le Garson d’lom, bann zafèr va éspasé kom dann tan Noé. 38 Avan Déluj i ariv, domoun té manj é té boir, bann zom té maryé é bann domoun té fé maryé zot fiy, juskatank le jour la arivé pou Noé rant dann larch ; 39 é zot la pa fé atansion, juskatank le Déluj i ariv é i ral zot tout. Va éspas le mèm zafèr pandan le prézans le Garson d’lom. 40 Alor nora dé bonom dann in karo bitasion : va pran inn, é lot va rès atèr. 41 Nora dé madam sra antrinn moud lo grin : va pran inn, é lot va rès atèr. 42 Kontinié vèyé, parské zot i koné pa kèl jour zot Ségnèr i ariv. 43 « Konpran bien sa : si le propriétèr la kaz té koné kèl moman dan la nuit le voleur té sar pasé, li noré rès évéyé é noré pa lès ali kas son kaz. 44 Sé pou sa azot osi, fé mont ké zot lé paré, parské lo Garson d’lom va vni in lèr ké zot i majine pa. 45 « Kisa i lé lèsklav fidèl é saj ké son mèt la mèt rèsponsab su son bann sèrvitèr pou done banna zot manjé o moman k’i fo ? 46 Lèsklav-la sra kontan, kan son mèt va artourné, é va trouv ali antrinn fé sa mèm ! 47 Vréman, mi di azot, li va mèt ali pou jèr tout son bann bien.