Ébré

12 Donk anou osi, kom nou néna in gran nuaj témoin i antour anou, alon tir su nout do tout sak i pèz anou avèk lo péché osi, k’i may anou fasilman, é alon kour la kours ké lé plasé dovan nou san larg lo kor, 6 parske Jéova i korij sak li ièm ; oui, li fouèt tout sak li akeuy kom garson. » 11 Su lo kou, lé vré, okin korèksion, na lèr gayar, o kontrèr i chagrine ; mé, aprésa, li amène pou sak li la formé in rézulta k’i aport la pé : la justis. 12 Sé pousa mèm rand pli for zot min ké lé fèb é zot jonou k’i tranb, 13 é kontinié fé bann chemin droit pou zot pié, komsa sak i boit i blès pa li, mé ké li géri. 14 Rod la pé avèk toulmoun é rès pur, san sa okin moun va gingn oir lo Ségnèr.