Luk

15 Alork zot té pou kozé é réfléchi dési bann zafèr-la, Jézu li mèm la avans koté zot é la komans march ansanm zot, 16 mé zot té pa kapab rokonèt ali. 21 Nou té èspèr ké boug-la lété sak té sar libèr Israèl. An plis ké sa, i fé déja 3 jour ké bann zafèr-la, la arivé. 25 Li la répond banna : « Azot boug k’i konpran pa rien, zot kèr i pran lo tan pou kroir sak bann profèt la di ! 26 Èské i falé pa ké lo Kris té pas par tousala, pou gingn la gloir ké li mérit ? 27 É, an komansan par Moiz èk tout bann Profèt, li la èsplik azot bann zafèr ké té konsèrn ali dan tout bann Lèkritur. 30 É pandan ké li té antrinn manjé ansanm banna, li la pran lo pin, é la béni ali, li la kasé é li la done banna. 31 Alor zot zié la rouv gran é banna la rokonèt ali, mé li la disparèt dovan zot. 32 É banna té i di ant zot : « Èské nout kèr té i brul pa anndan kan li té pou koz èk nou dann chemin, kan li té pou èsplik anou d’in fason klèr bann Zékritur ? » 36 Pandan ké banna té koz bann zafèr-la, Jézu li mèm la aparèt o milié d’zot é li la di azot : « Ké la pé lé èk zot. » 37 Mé zot lavé pèr, kapkap dési zot, zot té pans oir in lèspri. 45 Alor li la èd banna konprann bien mèm kosa té ve dir bann Zékritur,