Akt bann zapot

19 Mé pandan la nuit, lanj Jéova la rouv bann port la prizon, la fé sort azot é la di azot : 27 Donk, banna la amèn bann zapot dovan lo sanédrin, é lo gran prèt la poz azot bann kèstion. 28 Li la di banna : « Nou lavé bien intèrdi azot ansèrv lo non la dan sak zot té aprann bann domoun, mé ala ké astèr, Jéruzalèm lé ranpli èk zot lamontraj ! Zot lé bien désidé mèt lotèr su nou pou la mor bonom-la ! » 29 Pièr èk lé zot zapot la répond : « Nou doi obéi Bondié olèr ké bann zom. 30 Lo Bondié nout zansèt la résusit Jézu, ké zot la tué kan zot la klout ali su in poto. 31 Dann sièl, Bondié la mèt ali koté son droit kom Promié konduktèr é Sovèr, pou pèrmèt Israèl rogrèt son fason fé é gingn lo pardon son bann péché. 32 É nou lé bann témoin bann zévènman-la, anou é osi lèspri sin, ké Bondié la done sak i obéi ali. » 33 Kan zot la antand sa, zot la nèrvé é zot té vé tué banna. 34 Mé in farizien ké té apèl Gamalièl la mèt ali dobout dan lo Sanédrin (li lété in lamontrèr la Loi ké tout lo pèp té rèspèk), é li la domand fé sort bann bonom-la in linstan. 35 Aprésa li la di : « Zom Israèl, fé atansion sak zot i vé fé èk bann zom-la. 36 Gard sa, néna kèk tan d’sa, Tédas, ké té di ali in moun inportan, la gingn ral dan son kan apépré 400 zom. Mé la mèt ali a mor, é sak té suiv ali la fané é la tras inn i trouv pu. 38 Alor, dan sak mi vien di, mi di azot : Okup pa zot bann zom-la ; lès azot trankil. Parské si projé-la oubien laktivité-la i vien bann zom, li sra chaviré ; 39 Mé si sé Bondié lé dèrièr sa, zot i gingnra pa anpèch banna. Tansion pangar, riskab mèm zot sré pou batay kont Bondié. 40 Alor zot la ékout son konsèy, zot la fé vnir bann zapot é la fé fouèt azot, aprésa la done azot lord arèt koz o non Jézu, é la lès azot alé. 41 Alor bann zapot la sort dovan lo sanédrin, bien kontan daoir gingn lonèr èt maltrété pou non-la. 42 É tou lé jour, zot té arèt pa amont lo gayar nouvèl dési Jézu é zot té kontinié fé konèt gayar nouvèl-la dan lo Tanp èk kaz an kaz.