Luk

7 Lo jour la fèt dopin san lévin la arivé, sé lo jour ousa nou té doi of lo sakrifis la Pak. 8 Alor Jézu la di èk Pièr é Jan : « Alé prépar pou nou lo ropa la Pak . » 14 Kan lèr la arivé, Jézu la pas a tab avèk bann zapot . 15 Li la di azot : «Moin lavé vréman anvi manj la Pak la avèk zot avan soufrir. 16 Parské mi di azot, mi sa pu manj ali juskatank li akonpli dann roiyom Bondié. » 17 É apré ké li la aksèp in vèr dovin, li la fé in priyèr romèrsiman é li la di : « Pran vèr la, é fé pas ali an parmi zot. 19 Li la pran dopin osi, li la fé in priyèr pou di mèrsi, li la kas in bout é kan li la done azot, li la di : « Sa i roprézant mon kor mi sa done pou zot. Kontinié fé sa an souvnir d’moin. » 20 In foi zot té fine manjé, li la fé parèy èk lo vèr d’vin. Li la di : « Vèr d’vin-la i roprézant lo nouvo kontra. Sé mon san ké mi sa vèrs pou zot ké va rand posib nouvo kontra-la. 26 Mé zot, zot doi pa èt kom banna. O kontrèr, ke sak lé plu gran anparmi zot i devien kom sak lé plu jeun, é ke sak i dirij i devien kom sak i sèrv. 28 « Malgrésa, azot, zot la rès kosté ansanm moin dan mon bann malizé. 29 É amoin mi pas in kontra ansanm zot pou done azot in roiyom, parèy kom mon papa la pas in kontra ansanm moin, 30 pou ké zot i manj é zot i boir a tab dan mon roiyom, é ké zot i asiz su bann trone pou juj bann 12 tribu Izraèl. 44 Mé li té tèlman angoisé ke li la kontinué priyé plu for ankor. É son transpirasion la ni kom bann gout le san, ke té i tonm atèr.