Filipien

4 Mont zot joi toultan dan le Sénieur. Mi répèt sa : mont zot joi ! 5 Fé an sort ké tout domoun i koné ké zot lé rézonab. Lo Ségnèr lé pa loin. 6 Trakas pa pou okin zafèr, mé pou tout situasion, gras la priyèr é la suplikasion èk bann romèrsiman, fé konèt Bondié zot bann domand ; 7 é la pé Bondié, k’i dépas tout sak nou pé konpran, va protèj zot kèr é zot lèspri par lo moiyen Kris Jézu. 8 Pou fini, frèr, tout sak lé vré, tout sak i konvien, tout sak lé jus, tout sak lé pur, tout zafèr k’i vo la pèn ké nou èm, tout sak néna in bon réputasion, tout sak lé rèspéktab é tout sak i mérit bann louanj, fé ké bann zafèr la lé toultan dan zot pansé. 9 Mèt an pratik bann zafèr moin la aprann azot é zot la aksèpté, sak moin la di èk zot é moin la fé dovan zot, é lo Bondié la pé sra ansanm zot. 11 Mi di pa sa parské moin lé dann bézoin, an vré moin la aprann kontant amoin sak ma néna, kinport mon situasion. 13 Pou tout zafèr, moin néna la fors gras sak i done amoin la puisans.