Jak

2 Parské nout tout, souvandéfoi nou fé zérèr. Si in moun i fé pa zérèr dann sak li di, sé in moun parfé. 3 Si nou mèt in bout fèr anndan la bouch bann cheval pou ke banna i ékout anou, nou dirij osi tout zot kor. 4 Agard osi bann bato : mèm si zot lé gran mèm é ke bann rafal de van i ral azot, sé inn ti gouvèrnay ki dirij banna ousa le moun ki tenir la bar i ve alé 5 Lé parèy, la lang lé inn ti parti dan le kor, é pourtan li vant ali pou in ta gran zafèr. Agard koman inn ti fe na asé pou brul in gran foré ! 6 La lang lé in fe. Anparmi tout nout kor, la lang sé in parti ki fé bonpe zafèr mové, parske li sali tout le kor é li mèt de fe dan la vi in moun, é la jéèn i brul aèl. 8 Mé na poin pèrsonn i pe métriz la lang. Li lé mové, li fé mal, li lé plin la poizon i donn la mor. 13 Kisa néna la sajès èk lintélijans an parmi zot ? Ké li fé mont sa kan li konport ali bien é dan tout sak li fé èk dousèr parské sa i sort avèk la sajès. 17 Mé la sajès k’i sort dann sièl, dabor inn li lé pur, aprésa li rod la pé, li lé rézonab, paré pou obéi, lé ranpli èk la mizérikord é bann bon zaksion, li fé pa préférans, li lé pa ipokrit.