Matié
1 Liv-la i rakont listoir Jézu Kris, garson David, garson Abraam : 2 Abraam té papa Izaak, Izaak té papa Jakob, Jakob té papa Juda é son bann frèr. 6 Jésé té papa lo roi David. David té papa Salomon, lo zanfan ké li la gingn ansanm fanm Uri. 18 Ala koman la èspasé kan Jézu Kris lé né : Mari son momon té fiansé èk Jozèf é avan mèm ké zot i marié, èl la tonb ansint gras lèspri sin. 19 Mé, kom Jozèf son fiyansé té in bon moun, li té vé kas zot fiyansay an kachièt pou pa fé ont Mari dovan tout domoun. 20 Aforstan li té pou kas son tèt pou majine tousala, agard, lanj Jéova la aparèt dovan li dann in rèv é la di ali : 22 Tousala la arivé pou k’i réaliz sak Jéova lavé anonsé par son profèt : 23 « Agard, la vièrj va tonb ansint é èl va gingn in garson é va apèl ali Émanuèl », lo non-la in vé dir « Bondié lé avèk nou ». 24 Aprésa Jozèf la lèvé, é li la fé kom lanj Jéova la domand ali. Li la amèn son madam ché li. 25 Mé li la pa kouch ansanm èl juska tank èl la gingn son garson. É Jozèf la apèl ali Jézu.