Matié

2 Dann tan lo roi Érod, kan Jézu té fine né Bètléèm laba dann Judé, agard, bann zastrolog té i sort dann Lès laba, la ariv Jéruzalèm. 2 É zot la domandé : « Sak lé né pou èt roi bann Juif-la, ousa li lé ? Parské kan nou té dann Lès laba, nou la vu son zétoil, é nou la vni pou done ali lonèr. » 3 Kan lo roi Érod la antandi sa, ali èk tout sak té abit Jéruzalèm té sézi. 4 Li la fé vni tout lo chèf bann prèt èk sak té amont la Loi, é li la domand azot kèl koté lo Kris té doi nèt. 7 Lèr-la, Érod la fé vni lo bann zastrolog an kachièt, é li la domand azot dépi kansa lo zétoil la aparèt. 8 Aprésa li la anvoy banna Bètléèm é li la di azot : « Alé azot é rod bien ousa ti marmay i lé. Kan zot va trouv ali, arvien di amoin, komsa amoin osi ma gingn alé laba pou done ali lonèr. » 9 Kan lo roi té fine di azot kosa té i fo fé, zot la parti. É agard, lo zétoil ké zot la vu dann Lès laba, té fil droit dovan zot, é la arèt jus odsi landroi ousa lo ti marmay té i rès. 10 Kan zot la vu lo zétoil, zot té tro kontan. 11 Kan zot la rant dan la kaz, zot la trouv Mari son momon èk lo pti marmay, zot la tonb ajnou dovan li, è zot la rand ali lonèr, zot la rouv osi zot trézor é la done ali bann kado : lor, lansan, èk la mir. 12 Mé, kom dann in rèv Bondié lavé prévni azot pa artourn oir Érod, zot la pas par in not chomin pou rant dan zot péi. 13 Kan zot té fine alé, agard, lanj Jéova la aparèt dovan Jozèf, dann in rèv é la di ali : 14 La nuit la-mèm, Jozèf la lèvé, la pran lo marmay èk son momon, é li la sov dann péi Léjip. 15 É li la rès laba juska tank Érod i mor. Sa té pou réaliz sak Jéova lavé di par son profèt : « Moin la apèl mon garson pou fé sort ali dann péi Léjip. » 16 Alor li la done lord tué dann Bètléèm é dann zalantour, tout bann ti garson lavé moind dézan. Li la fé sa parské li la baz ali su lo moman ousa bann zastrolog la di ali ké lo zétoil lavé aparèt. 17 Sa la réaliz sak Bondié lavé di par son profèt Jérémi : 18 « Dann Rama i antan in voi, i plèr, é i kri for mèm, sé Rachèl ké la pou plèr son bann zanfan, é èl i vé pa i konsol aèl, parské banna lé pu la. » 19 In foi Érod té fine mor, agard, lanj Jéova la aparèt dovan Jozèf dann in rèv, laba dann péi Léjip. 21 Lèr-la li la lèvé, é li la pran lo marmay èk son momon, é li la artourn dann péi Israèl. 22 Mé li lavé pèr artourn laba, parské li la aprann ké Arkélaus té ranplas Érod son papa kom roi dann péi Judé. An plis ké sa, kom Bondié lavé prévnu ali dann in rèv, li la parti plito laba, dann péi Galilé. 23 Li la parti viv dann in vil té apèl Nazarèt, pou réaliz sak bann profèt lavé anonsé : « Va apèl ali Nazaréin. »