Luk
2 Dann tan-la ; Sézar Ogus la fé sort in loi, tout la populasion té doi alé inskri azot dan la vil ousa zot lé né. 2 (Promié linskripsion-la la èspasé kan Kirinius té lo chèf gouvèrnman la Siri.) 3 Tout domoun la parti fé inskri azot dan la vil ousa zot lé né. 4 Biensur, Jozèf osi la fé sa, kom li té tonb famiy David, li la kit Nazarèt ké lé dann Galilé pou alé Bètléèm dann Judé la vil David son lansèt. 5 Li la parti inskri ali avèk Mari, son madam ké té pa loin akouché. 6 Kan zot té Bètléèm, lèr pou Mari akouché la arivé. 10 mé lanj la di azot : « Pa bezoin zot la peur, parske mi anons azot in gayar nouvèl ke va rann tout le peup vréman kontan : 11 zordi, in soveur lé né dan le vil David ; sé le Kris, le Sénieur. 36 Navé osi in profétès té apèl Ane, lé té fiy Fanouèl, ké té sort dan tribu Azèr. ( Madam-la la vé in bon laj. Li té fine viv sèt zané èk son mari aprè zot mariaj, 37 é astèr li té in vèv ké navé 84 an.) Toultan li té o Tanp : li té fé in ladorasion lo jour kom la nuit é li té rès san manjé é li té fé bann suplikasion. 38 É jour-la, li la vni romèrsié Bondié é koz su lo zanfan èk tout sak té atann lo délivrans Jérusalèm. 39 Apré fé tout sak la Loi Jéova té domand, zot la artourn Galilé, dann zot vil, Nazarèt. 40 Lo jèn marmay té grandi é li té dévlop ali. Li té gingn plizanpli la sajès, é li té kontinié gingn la favèr Bondié. 41 Chak zané, son papa momon té sava dann vil Jérusalem pou la fèt la Pak. 42 Alor ké li lavé ké 12 an, zot la monté pou rèspèk lo koutum fèt-la. 46 Troi jour apré, banna la trouv ali dan lo Tanp, li té asiz an parmi bann lamontrèr : li té ékout azot é li té poz kèstion. 47 É tout sak té ékout ali té rès la bouch rouvèr tèlman son lintelijans é son bann répons té inkroiyab. 48 Kan son bann paran la vu ali, zot té étoné é son momon la di ali : « Mon zanfan, poukosa ou la fé anou sa ? Nout dé papa, nou té trakasé é nou la rod aou partou. » 49 Li la répond azot : « Poukosa zot té rod amoin ? Zot té koné pa ké mi doi èt dan la kaz mon Papa ? » 50 Mé, zot té konpran pa sak li té pou di azot. 51 Aprésa li la rotourn Nazarèt èk banna, é li té kontinié obéi azot. An plis ké sa, son momon té gard bien mèm tout bann parol-la dan son kèr. 52 Jézu té kontinié grandi é li té gingn plis la sajès; é li lavé ankor plis la favèr Bondié é sak domoun.