Galat
16 Alor mi di azot : kontinué marché sou la dirèksion léspri é zot va pa tonm dan okin mové lanvi. 19 Mé bann mové zaksion lo kor inparfé i fé lé klèr ; néna bann péché sèksuèl, in konduit malprop, in konduit dévèrgondé, 20 ador bann zidol, pratik démoniak, la èn, disput, jalouzi, in gran kolèr, bann dézakor, divizion, sèkt, 21 lanvi, boir pou èt sou, bann fèt pa kontrolé é dot choz komsa. An parlan d’sa, mi prévien azot, kom ma lavé déja di azot : sak i pratik bann zafèr komsala va pa rant dann roiyom Bondié. 22 Parkont, lo frui lèspri sé lamour, joi, pé, pasians, jantiyès, bonté, foi, 23 dousèr, kapasité kontrol anou. Na poin d’loi kont bann zafèr la. 26 Alon pa rod mèt anou an avan, sa mèm i ariv kan nou provok anou inn é lot, é kan nou anvi anou inn é lot.