Romin

14 Parské nou koné ké la loi i sort koté Bondié, mé amoin, mi lé in bonom ké lé pa parfé, é la vand amoin kom in lèsklav pou lo péché. 15 Parské mi konpran pa sak mi fé. Lé vré, mi aji pa kom mi vé, o kontrèr mi fé sak mi détès. 18 Mi koné an moin, dan mon kor inparfé, na poin rien lé bon. Lé vré, moin la anvi fé sak lé bon, mé mi lé pa kapab fé. 19 Parské mi fé pa lo bann bon zafèr ké moin la anvi d’fé. Mé tout lo bann mové zafèr mi vé pa fé, sé sa mèm mi fé. 20 Donk, an vré, si mi fé sak mi vé pa, sé pu moin i fé ali, mé sé lo péché k’i abit an moin. 21 Donc, mi romark la loi-la dan mon ka : kan mi vé fé sak lé jus, néna sak lé mové an moin. 22 Lé komsa mèm, lo bonom ké mi lé o fon d’moin, i aprésié la loi Bondié, 23 mé dan mon kor mi oi in not loi k’i fé la gèr èk la loi k’i komand mon bann pansé é k’i amèn amoin kom in prizonié vèr la loi lo péché ké lé dan mon kor. 24 Kèl pov bonom mi lé ! Kisa va libèr amoin dan lo kor lapou ral amoin dan la mor la ? 25 Mi romèrsi Bondié par Jézu Kris nout Ségnèr !