2 Kronik

26 Aprésa tout lo pèp Juda la mèt Ozias roi pou ranplas Amazia, son papa. Dann tan-la Ozias lavé 16 zan. 2 Sé li la rofé la vil Élat, kan lo roi té fine alé rozoinn son bann zansèt dan la mor, é li la rodone Juda vil-la. 3 Ozias lavé 16 zan kan li la ni roi, é li la rès 52 zan kom roi Jéruzalèm. Son momon té apèl Jékolia ; èl té sort Jéruzalèm. 4 Ozias té fé sak lé bien dovan Jéova, kom son papa Amazia lavé fé avan li. 5 É li la kontinié rod Jéova dann lo vivan Zakari, ké la amont ali aoir in gran rèspé pou lo vré Bondié. Tank li té rod Jéova, lo vré Bondié té fé prospèr ali.