Lévitik

5 « Lo pèp Israèl va done ali dé jèn bouk pou fé in sakrifis pou lo péché èk in mal mouton pou brilé an sakrifis. 7 « Aprésa li va pran dé bouk é li va mèt azot dovan Jéova, jus dan lantré la tant ousa i fé rénion. 8 Aaron va tir o sor lé dé bouk, lo promié tiraj o sor sra pou Jéova é lot sra pou Azazèl. 9 Aaron va amèn lo bouk ké lété tiré o sor pou Jéova é avèk sa, li va fé in sakrifis pou lo péché. 10 Mé lo bouk ké lété tiré o sor pou Azazèl, va amèn ali vivan dovan Jéova, é va ansèrv ali pou domand lo pardon bann péché, pou anvoy ali dann dézèr pou Azazèl. 20 « Kan li sra fine rand pur landroi ké lé sin, la tant ousa i fé rénion é lotèl, li va amèn lo bouk vivan. 21 Aaron va poz son dé min su la tèt lo bouk vivan ; li va ansèrv lo bouk pou konfès tout bann fot bann Zisraélit é tout mové zafèr zot la fé é tout zot péché, é li va mét tousa dési la tèt lo bouk, aprésa li va ansèrv in bonom ké lété choizi, pou ké li anvoy lo bouk dann dézèr. 22 Lo bouk va anport èk li tout zot fot dan in péi dézèr ; é li va anvoy lo bouk dann dézèr.