Ébré

5 Lé vré, dapré la Loi, sak lé an parmi bann garson Lévi é k’i sèrv kom prèt, néna lord alé rod lo bann dis poursan èk lo pèp, sétadir zot bann frèr, mèm si banna sé bann désandan Abraam. 23 An plis ké sa, in bonpé la ni prèt inn apré lot parské la mor té anpèch azot kontinié fé zot sèrvis; 24 Mé kom li rès vivan pou toultan, son sèrvis kom prèt i pas pa in not moun. 25 Donk, li pé sové tout sak i pas par li pou kos koté Bondié, parské li lé toujour vivan pou aji an zot favèr. 26 Té in gran prèt komsa mèm ké té fo anou, fidèl, inosan, san péché, k’i rès loin bann domoun néna péché èk in gran lotorité dann sièl. 27 Ali, li lé pa kom bann gran prèt-la, li la pa bézoin fé bann sakrifis tou lé jour, an promié pou son bann péché é aprésa pou sak lo pèp, parské li la fé sa inn foi pou tout kan li la done son vi an sakrifis.