1 Pièr
4 Donk kom Kris la soufèr dan la chèr, azot osi mèt azot paré dan lo mèm mantalité, parské sak la souf dan la chèr la arèt avèk bann péché, 2 pou ke li viv le tan ki rès ali pou viv dan la chèr, non pa pou bann zanvi ke bann zumin néna, mé pou le volonté Bondieu. 3 Lé vré, zot la fine pas asé lo tan pou fé sak bann nasion i vé, aoir in mové manièr d’fé ké lé san rèspé, san kontrol zot zanvi, boir in ta, fé bann fèt dévèrgondé, boir kom in soular é ador bann zidol in fason orib. 7 Mé la fin tout zafèr lé pa loin. Donk, alon èt bann domoun ké néna bon jujman é k’i tienbo dan la priyèr. 8 Surtou, mont in profon lamour pou inn é lot, parske lamour i kouv in gran kantité bann péché. 9 Ke zot lé ospitalié anvèr inn é lot, san gronié. 10 Donk, parèy domoun lé gabié pou jèr lo favèr Bondié ké nou mérit pa, é k’i romark in bonpé fason, ansèrv lo don chakèn la gingné pou rand sèrvis inn é lot. 11 Si in moun i koz, ke li koz komsi li té transmèt bann parol Bondieu ; si in moun i sèrv, ke li kont su la fors ke Bondieu i donn ; pou ke pou tout zafèr i rann gloir Bondieu par le moiyin Jézu Kris. La gloir é la puisans lé ali pou toultan. Amèn