Abakuk

2 A Jéova, juska kan, i fodra mi kri o sokour mé san k’ou antand amoin ? Juska kan i fodra mi domand lèd san k’ou fé in zafèr kont la violans ? 3 Akoz ou fé oir amoin linjustis ? é akoz ou lès lo for abiz su lo pli fèb ? Akoz néna dèstruksion-la é violans-la otour d’moin ? Akoz néna tout bann ralé pousé-la é tout bann batay-la ? 4 La loi na poin la fors é jamé i fé aplik lo droi. Sak lé mové i kraz sak lé jus ; akoz sa mém i détourn la justis. 12 A Jéova ! Èské ou égzis pa dépi toultan ? A mon Bondié ! Mon Sin ou mor pa. A Jéova ! Ou la choizi azot pou aplik lo jujman ; a mon gro Roch, ou la mèt azot an plas pou puni. 13 Out ziè lé tro prop pou gard sak lé mové, é ou gingn pa suport la méchansté. Alor poukosa ou suport bann trèt é ou di pa rien kan in mové moun i détrui in moun pli jus ké li ?