1 Timoté

8 Parske laktivité fizik lé util pou inn ti pe zafèr, mé lamitié èk Bondieu lé util pou tout zafèr, parske li néna an li le promès pou la vi koméla é pou la vi dan lavnir. 12 Pa bézoin ou la pèr pèrsone parské ou lé jèn. O kontrèr, fé mont ou lé in légzanp pou bann fidèl, kisoi dan out bann parol, dan out manièr fé, dan out lamour, dan la foi, é parské ou amèn in vi prop. 13 Lo tan mi ariv, kontinié fé zéfor pou ou gingn bien lir an publik, pou gingn ankouraj lé zot, pou èt in bon lamontrèr. 14 Souzèstim pa lo don ou néna an ou é ké ou la gingné dapré in profési kan inn ti group zansien la poz zot min dési ou. 15 Réfléchi dési bann zafèr-la ; pran ali a kèr, komsa tout domoun i oi vréman out progré. 16 Vèy bien toultan dési ou èk dési out lamontraj. Kontinié fé bann zafèr-la, parské si ou fé sa, ou va sov aou é sak i ékout aou osi.