1 Timoté

6 Vréman, ladorasion fidèl pou Bondié i profit anou, si nou kontant anou sak nou néna. 7 Parské nou la pa aport rien dan lo monn, é nou gingn pa anport rien non pli. 8 Donk si nou néna manjé èk linj, nou va kontant anou bann zafèr-la. 9 Mé sak lé bien désidé pou ni rich i tonb dann tantasion, dan in gob, é dan in ta dézir k’lé bèt é danjéré, k’i fé ké bann zom la tonb dirèk dan la dèstruksion é dann malèr. 10 Lamour larjan lé la rasine tout bann mové zafèr, é, parské détroi la fé tout pou lamour-la, zot la pèrd chemin la foi é zot la gingn bonpé doulèr. 12 Konbat le joli konba la foi ; la apèl aou pou la vi pou toultan, tienbo sa for mèm, é fé le joli déklarasion an publik devan in kantité témoin. 15 révélasion ke le Souvrin ereu é unik va montré dann tan fiksé. Li lé le Roi sak i gouvèrn é le Sénieur sak i dominn, 16 le seul ke lé imortèl, ki abit dan in lumièr inposib pou kos a koté, ke okin moun la vu ni i gingn voir. Ali lé loneur é la puisans pou toultan. Amèn 17 Done lord la sak lé rich dann monn koméla : fé pa lo fièr, é mèt pa zot lèspoir dan bann richès k’i tien pa, mé an Bondié, k’i done anou an kantité, tout bann zafèr k’i kontant anou. 18 Di azot de travay pou fé le bien, d’èt rich pou fé bann bon zaksion, d’èt jénéreu, paré pou partajé. 19 Komsa zot va ramas dan in landroi sur pou zot mèm in gayar fonnman pou lavnir, é tienbo for mèm la vré vi.