Jénèz

1 O komansman, Bondié la kré lo sièl èk la tèr. 2 La tèr navé poin d’form navé poin rien dési. Pardsi dolo navé in fénoir ; é la fors Bondié k’i aji, té déplas ali pardsi dolo. 12 Su la tèr té komans aoir zèrb, bann plant ké navé bann grin, é osi bann piédboi k’i done bann frui é bann grin, dapré zot bann zèspès. Alor Bondié la vu ké lété bon. 21 É Bondié la kré bann gran zanimo la mèr é tout bann zanimo k’i déplas dann lo, dapré zot lèspés, é tout zanimo néna la zèl pou volé, dapré zot lèspés. Alor Bondié la vu ké lété gayar. 25 Bondié la komans fé bann zanimo sovaj ké lé su la tèr dapré zot lèspés, é tout bann zanimo i ranp dési lo sol dapré zot lèspés. Alor Bondié la vu ké lété gayar. 26 Aprésa Bondié la di : « Alon fé lom parèy ké nou, dapré nout rosanblans. Ké li néna in lotorité su bann poison la mèr, bann zanimo i vol dann sièl, bann zanimo i viv èk lom, tout la tèr é tout bann zanimo i ranp k’i déplas azot su la tèr. » 27 É Bondié la kré lom dan son rosanblans ; dan la rosanblans Bondié li la kré lom. Li la kré banna om é fanm. 28 Aprésa, Bondié la béni azot é la di azot : « Fé zanfan é multipli azot ; ranpli la tèr é kultiv ali ; zot néna in lotorité su bann poison la mèr, bann zanimo i vol dann sièl é tout bann zanimo k’i déplas azot su la tèr. » 31 Aprésa, Bondié la agard tout sak li lavé fé é li la vu ké lété vréman gayar. In soir èk in matin la pasé : sizièm jour.