Jak
4 Azot ké lé pa fidèl, zot i koné pa ké èt kamarad èk lo monn, sé èt lènmi Bondié ? Donk sak i vé èt kamarad èk lo monn li dévien lènmi Bondié. 6 Mé, la favèr imérité ké Bondié i done lé pli gran ankor. Bann Zékritur i di : « Bondié i drès ali kont sak néna lorgèy, mé li done son favèr imérité sak i mèt pa zot su la otèr. » 7 Donk, soumèt azot dovan Bondié ; mé opoz azot kont lo Diab, é li va détal loin d’zot. 8 Kos koté Bondié, é li va kos koté zot. Nétoiy zot min, bann péchèr, é rand pur zot kèr, domoun ké lé ant dé kèr. 12 Néna rienk in sèl k’i fé bann loi é k’i juj : sak i pé sové é détrui. Mé aou, kisa ou lé, pou juj out kamarad ? 14 alor ke zot i koné pa koman zot vi i sra demin. Zot lé kom in brouyar ki aparèt pou in ninstan é aprésa i disparèt.