2 Roi

15 Bonèr gran matin, lo sèrvitèr lom lo vré Bondié, la lévé é la sorti. Li la vu in larmé, èk bann choval é bann charyo ké té otour la vil. Toutsuit, li la domandé : « Ayayay ! Mon mèt, kosa nou sar fé ? » 16 Mé Élizé la répond ali : « Pa bézoin ou la pèr ! Parské sak lé avèk nou lé an pli gran kantité ké sak lé avèk banna. » 17 Aprésa Élizé la fé priyèr la : « A Jéova siouplé, rouv son zié, pou ké li oi. » Toutsuit, Jéova la rouv lo zié lo sèrvitèr, é lo sèrvitèr la komans oir : partou otour Élizé, dann zalantour la montagn lavé plin choval é bann charyo dofé !